Madridning "Atletiko" klubi bosh murabbiyi Diego Simeone La Liganing "Vilyarreal" va "Barselona" o'rtasidagi o'yinni AQShda o'tkazish bo'yicha rejalari haqida gapirdi.

Ispaniya chempionatining dekabr oyidagi uchrashuvi Mayamida bo'lib o'tishi kerak, bu esa katta norozilikka sabab bo'ldi - hatto futbolchilar ishtirokidagi norozilik namoyishiga qadar etib bordi.

"Vilyarreal" - "Barselona" o'yini AQShda? Men bunga izoh bermayman. O'z ko'zim bilan ko'rmagunimcha ishonmayman," - dedi Simeone matbuot anjumanida.

Bugun "matraschilar" o'z uylarida "Osasuna"ni qabul qilishadi. Uchrashuv Toshkent vaqti bilan 00:00 da boshlanadi. Ayni paytda "Atletiko" turnir jadvalida oltinchi o'rinni egallab turibdi.