Frantsiya milliy terma jamoasi bosh murabbiyi Dide Desham markaziy himoyachi Vilyam Salibaning salomatligi holati haqida fikr bildirdi.

«Saliba ayni paytda terma jamoa ixtiyorida. Uning ahvoli joyida», — deya mutaxassisning so'zlaridan iqtibos keltiradi Metro.

Avvalroq matbuotda futbolchining belida muammolar yuzaga kelgani va shu sababli u bo'lajak 2026 yilgi Jahon chempionatida ishtirok eta olmasligi mumkinligi haqida xabarlar tarqalgan edi.

Mundial 11 iyundan 19 iyulga qadar Shimoliy Amerikaning uch davlati: AQSh, Kanada va Meksikada bo'lib o'tadi. Ushbu nufuzli turnirning guruh bosqichida Frantsiya terma jamoasi Senegal, Norvegiya va Iroq terma jamoalari bilan kuch sinashadi.