Desham: "O'zini zo'r deb o'ylaydigan, aslida esa unday bo'lmagan futbolchilarni boshqarish qiyin"

Frantsiya terma jamoasi bosh murabbiyi Dide Desham yulduz futbolchilar bilan ishlash haqida o'z fikrlarini bildirdi.

"Menga tez-tez: "Oo, Mbappe, Olise, Dembeleni boshqarish oson bo'lmasa kerak-a...?" deb savol berishadi. Lekin menimcha, Liga 1 va Liga 2dagi yosh futbolchilarni boshqarish ancha qiyinroq, chunki u erda muammolar tamoman boshqacha.

Mening ustunligim shundaki — mening futbolchilarim chindan ham mahoratli. Asosiy muammo esa o'zlarini zo'r deb hisoblaydigan, ammo aslida unday bo'lmagan futbolchilarni boshqarishdadir", — dedi Desham matbuot anjumanida.

Eslatib o'tamiz, Dide Desham boshchiligidagi Frantsiya terma jamoasi 2018 yilgi jahon chempionatida g'olib chiqqan. Oxirgi mundialda esa frantsuzlar finalda Argentinaga penaltilar seriyasida imkoniyatni boy berishgan edi.