"PSJ" hujumchisi Usmon Dembele Frantsiya terma jamoasining Ukrainaga qarshi o'yinida sonining orqa qismidan olgan jarohatidan so'ng uzoq muddat davolanib, kecha maydonga qaytdi.

Dembele "Bayer"ga qarshi o'yinning 66-daqiqasida maydonga tushdi va hatto gol urib, jamoasining 7:2 hisobidagi g'alabasiga hissa qo'shdi. Shu tariqa frantsuz "Pari Sen-Jermen" safida barcha musobaqalardagi 100-uchrashuvini o'tkazdi.

Eslatib o'tamiz, Dembele "PSJ" safiga 2023 yilda "Barselona"dan kelib qo'shilgan edi. Uning hisobida parijliklar safida barcha turnirlarda 44 ta gol va 32 ta golli uzatma bor.