«PSJ» hujumchisi Usmon Dembele Milliy professional futbolchilar ittifoqi (UNFP) talqiniga ko'ra, 2025/26 yilgi mavsumda Frantsiyaning eng yaxshi futbolchisi deb topildi. Taqdirlash marosimi Parijda bo'lib o'tdi.

28 yoshli frantsiyalik futbolchi ushbu sovrinni ketma-ket ikkinchi yil qo'lga kiritdi.

Shuningdek, nomzodlar qatoridan Dembelening jamoadoshlari — portugaliyalik Nunu Mendesh va Vitor Ferreyra Vitinya, shuningdek, Meyson Grinvud («Marsel») va Florian Toven («Lans») o'rin olgan edi.

2025/26 yilgi mavsumda Dembele 37 ta o'yinda maydonga tushib, 19 ta gol urdi va 10 ta golli uzatmani amalga oshirdi. U 2023 yilning avgustidan buyon «PSJ» sharafini himoya qilib kelmoqda. 2025 yilda hujumchi France Football talqini bo'yicha «Oltin to'p» va FIFA tomonidan dunyoning eng yaxshi futbolchisiga beriladigan mukofot sohibiga aylangan edi.