«Napoli» prezidenti Aurelio De Laurentis jamoa bosh murabbiyi Antonio Kontening Jennaro Gattuzo ketganidan keyin ustozsiz qolgan Italiya terma jamoasini boshqarishi mumkinligi haqida gapirdi. Italiyaliklar ketma-ket uchinchi marta jahon chempionatiga chiqa olishmadi.

«Konte terma jamoadami? Ha, menimcha, agar u o'zi mendan shuni so'rasa, uni qo'yib yuborgan bo'lardim», — deya De Laurentisning so'zlarini keltiradi CalcioNapoli24.

Shuningdek, De Laurentis Antonio Kontening Italiya terma jamoasi murabbiyi bo'lishga qaror qilishiga shubha bildirdi: «Hozircha jiddiy suhbatdosh yo'q ekan, menimcha, u mutlaqo tartibsiz biror narsaning boshida turishni rad etadi».

Hozirda Italiya futbol federatsiyasi prezidentsiz qolmoqda. Gabriele Gravina terma jamoa jahon chempionatiga chiqa olmaganidan keyin iste'foga chiqqan edi.