Ultimate Fighting Championship (UFC) promousheni prezidenti Dana Uayt 37 yoshli afsonaviy irlandiyalik jangchi, promoushen tarixidagi ilk ikki vazn toifasi chempioni Konor Makgregorning ehtimoliy qaytishi haqida fikr bildirdi.

— Konor ijtimoiy tarmoqlarda juda faol. Uning qaytishi bo'yicha qanday yangiliklar bor?

— Hammasi yaxshi ko'rinyapti. Bilasizmi, u bilan kelishuvga erishishimiz bilan, bu haqda e'lon qilamiz, — dedi Uayt Vankuverdagi UFC turniridan keyingi matbuot anjumanida.

Avvalroq Konor Makgregor 2021 yildan beri MMA qoidalari bo'yicha ilk jangini shu yozda o'tkazish niyatida ekanligini ma'lum qilgan edi.