«PSJ» yarim himoyachisi Xvicha Kvaratsxeliya Chempionlar ligasining o'tgan mavsumidagi eng yaxshi futbolchisi uchun beriladigan sovrinni qo'lga kiritdi. Yakunlangan mavsumda gruziyalik futbolchi 16 ta uchrashuvda maydonga tushib, 10 ta gol va 6 ta golli uzatma muallifiga aylandi.

Uning jamoasi finalda Londonning «Arsenal» klubini mag'lub etib, turnir g'olibiga aylandi. Asosiy vaqtda jamoalar 1:1 hisobida durang qayd etgan bo'lsa, penaltilar seriyasida parijliklarning qo'li baland keldi — 4:3.

Qayd etish joizki, frantsuzlar klubi ikki mavsum qatorasiga Chempionlar ligasida g'olib chiqmoqda. 2025 yilda Luis Enrike jamoasi hal qiluvchi bahsda «Inter»ga hech qanday imkoniyat qoldirmagandi (5:0).