"Liverpul"ning sobiq futbolchisi Jeymi Karrager "Chelsi"ning 18 yoshli vingeri Estevao Villianning o'yinidan olgan taassurotlari bilan o'rtoqlashdi.

Chorshanba kuni braziliyalik futbolchi Chempionlar Ligasidagi ilk golini urdi - u "Ayaks"ga qarshi bahsda (5:1) penaltini aniq amalga oshirdi.

"Bu yigit - yulduz. O'ylaymanki, u juda yaxshi bo'ladi. Ajoyib penalti, klublar o'rtasidagi jahon chempionatidagi ajoyib o'yin. Ehtimol, "Chelsi" nihoyat kichkina marvaridni topgandir," - dedi Jeymi Karrager o'yin tugagach CBS studiyasida.

Estevao "Chelsi" safida joriy yilning yozidan buyon to'p tepib kelmoqda. Ilgari u "Palmeyras" sharafini himoya qilgan.