«Bavariya» hujumkor yarim himoyachisi Serj Gnabri jarohati sababli uzoq muddatga safdan chiqdi. 30 yoshli futbolchi mushaklarining yirtilishi tufayli uch oydan ko'proq vaqtni o'tkazib yuborishi mumkin — uning bo'lajak jahon chempionatidagi ishtiroki deyarli istisno qilinmoqda.

«Serj xotirjam, lekin albatta, hafsalasi pir bo'lgan. Yoshing 30-31 da bo'lganida, ehtimol, oldingda faqat bitta jahon chempionati qolgan bo'ladi. Gnabri yana qancha o'ynashini bilmayman, lekin bu uning [JChda qatnashish uchun] so'nggi imkoniyati bo'lgan bo'lishi mumkin. Mana nimasi dramatik», — deya «Bavariya» sport bo'limi rahbari Maks Eberlning so'zlarini keltirmoqda Bayern & Germany.

Serj Gnabri Germaniya terma jamoasi safida 59 ta o'yinda maydonga tushib, 26 ta gol va 11 ta golli uzatmaga mualliflik qilgan. Futbolchining milliy jamoadagi debyuti 2016 yilda bo'lib o'tgan edi.