"Manchester Yunayted" sardori Brunu Fernandesh yana bir bor golli uzatma amalga oshirdi. Yakshanba kuni portugaliyalik futbolchi "qizil iblislar"ga mehmonda "Arsenal" ustidan kutilmagan g'alabani qo'lga kiritishda yordam berdi (3:2) va 50-daqiqada Patrik Dorguga assistentlik qildi. Premer-liganing joriy mavsumida Fernandesh o'nta golli uzatmani amalga oshirdi. Opta xabariga ko'ra, 31 yoshli portugaliyalik "MYu" vakili Ueyn Runidan keyin APLning ketma-ket ikki mavsumida 10+ golli uzatma amalga oshirgan ilk futbolchiga aylandi.

"Manchester Yunayted" chempionat jadvalida to'rtinchi o'rinni egallab turibdi. Kelasi yakshanba, 1 fevral kuni Maykl Kerrik jamoasi o'z uyida "Fulxem"ni qabul qiladi.