Germaniyalik futbolchi Karim Adeyemi jiddiy mojaro markazida qoldi. "Borussiya Dortmund" vinger o'qotar qurolni noqonuniy saqlashda ayblangan va shanba kuni sudga chaqirilgan.

Bir kun avval Germaniya terma jamoasi Nik Voltemadening dubli evaziga Lyuksemburgni 2:0 hisobida mag'lub etgandi. Ikki sariq kartochkadan so'ng diskvalifikatsiya tufayli o'yinni o'tkazib yuborgan Adeyemining o'zi o'yinni tribunadan kuzatib bordi.

Bild xabariga ko'ra, ish o'tgan yildan beri davom etmoqda. Tintuv chog'ida politsiya futbolchining uyidan kastet va elektroshokerni musodara qildi, bu noqonuniy qurol saqlash sifatida baholanadi. Advokatlar ayblovlarga e'tiroz bildirishga harakat qilishdi, ammo oqlashga erisholmagan.

Faqat jazoning og'ir-engilligini aniqlash qolgandi - Adeyemi hatto qamoqqa olinishi ham mumkin edi. Oxir-oqibat, sud uni 450,000 evro miqdorida jarimaga hukm qildi, u har biri 7,500 evrodan bo'lgan 60 ta to'lovga bo'lingan.

Adeyemi joriy mavsum 14 ta o'yinda maydonga tushib, 3 ta gol urdi va 3 ta golli uzatmani amalga oshirdi.