«Bornmut» yarim himoyachisi Tayler Adams «Liverpul»ning Andoni Iraola qo'l ostidagi istiqbollari haqida nima deb o'ylashini aytdi. Ispaniyalik mutaxassis iyun oyi boshida rasman mersisaydliklar bosh murabbiyiga aylandi. U bungacha «olchalar» bilan ishlab, yakunlangan mavsum natijalariga ko'ra jamoani evrokuboklarga olib chiqqan edi.

«Liverpul» Iraola qo'l ostida Premer-ligada g'olib chiqa oladi. Uning xarakteri, energiyasi va o'yin uslubi bilan, shuningdek, jamoadagi bunday kuchli tarkib bilan bunga to'liq imkoniyat bor», — deya Adamsning so'zlarini keltiradi Angliya OAVlari.

«Bornmut» APLning yakunlangan mavsumida 6-o'rinni egalladi va o'zidan bir pog'ona yuqorida joylashgan «Liverpul»dan bor-yo'g'i uch ochko kam jamg'ardi. Iraola «qizillar» rulida may oyi oxirida iste'foga chiqarilgan Arne Slotning o'rnini egalladi.