So'nggi bir yarim yil davomida "Bolonya" safida ijarada to'p tepgan italiyalik yarim himoyachi Tommazo Pobega rasman "Bolonya"ning doimiy futbolchisiga aylandi.

"Bolonya" 26 yoshli futbolchining shartnomasini "Milan"dan 7 million evroga sotib oldi. Pobega 2028 yil 30 iyungacha keyingi mavsumga uzaytirish imkoniyati bilan shartnoma imzoladi.

Pobega joriy mavsum "Bolonya" safida barcha musobaqalarda 25 ta o'yinda maydonga tushib, 3 ta gol urdi va 2 ta golli uzatmani amalga oshirdi. Shuningdek, Tommazo Italiya terma jamoasi safida 3 ta o'yin o'tkazgan.