Madridning "Real" klubi sobiq futbolchisi Garet Beyl jamoaning hozirgi murabbiyi Xabi Alonsoning faoliyati haqida fikr bildirdi. Seshanba kuni "qaymoqranglilar" Angliyada Chempionlar Ligasi doirasida "Liverpul"ga mag'lub bo'ldi (0:1).

"Hammaga ma'lumki, ba'zida "Real" taktikadan ko'ra alohida futbolchilarning individual sifatlariga tayanadi. Ishonchim komilki, Alonso o'zining ulkan o'yin va murabbiylik tajribasini hisobga olgan holda hamma narsani juda yaxshi tushunadi", - deya uelslik sobiq hujumchining so'zlarini keltiradi ispan OAV.

Xabi Alonso joriy yilning yozida Braziliya terma jamoasiga ketgan Karlo Anchelotti o'rniga "Real"ni qabul qilib oldi.