«Manchester Siti» sardori Bernardu Silva Liga kubogi finalida «Arsenal» ustidan qozonilgan g'alaba klubning uzoq muddatli istiqboli uchun nima sababdan muhim bo'lishi mumkinligi haqida gapirib berdi.

«G'alaba nashidasini surish imkoniyati — bu ajoyib tuyg'u. Yosh futbolchilar: «Ha, biz bunga qodirmiz», deb tushunib etishadi. Bu klubimiz kelajagi uchun juda muhim. Men jamoa bilan faxrlanaman va yosh yigitlarimiz uchun xursandman», — deya 31 yoshli portugaliyalik futbolchining so'zlarini keltiradi City Report.

Ma'lumot uchun, Bernardu Silvaning o'zi mavsum yakunida «Manchester Siti»ni tark etishi mumkin — uning shartnomasi shu yozda nihoyasiga etadi.