Ispaniya terma jamoasi vingeri Lamin Yamal sog'ayib, Turkiyaga qarshi bo'lajak o'yinda maydonga tushishga tayyor.

18 yoshli futbolchi belida noqulaylik his qilgan, shu sababli u payshanba kuni Bolgariyaga qarshi kechgan o'yin oxirida zaxiraga olingan edi. Muammo unchalik jiddiy emasligi ma'lum bo'ldi: Barca Universal xabariga ko'ra, Yamal 7 sentyabr, yakshanba kuni bo'lib o'tadigan Turkiyaga qarshi o'yinda maydonga tushishi mumkin. O'yin Toshkent vaqti bilan 23:45 da start olishi rejalashtirilgan.

Bolgariya terma jamoasi bilan o'yinda "qizil furiya" yirik 3:0 hisobida g'alaba qozondi. Lamin Yamal golli uzatmani amalga oshirdi.