Himoyachi Vaut Fas "Lester"dan "Monako"ga ijara asosida o'tdi. Kelishuv mavsum oxirigacha mo'ljallangan va monakoliklar uni sotib olish huquqiga ega bo'ladi.

27 yoshli belgiyalik yangi jamoasida 25-raqam ostida harakat qiladi. U ilgari Frantsiyaning "Reyms" jamoasida o'ynagan.

Fas bu mavsumda Chempionshipda 15 ta o'yinda maydonga tushib, 1 ta gol urdi va 1 ta golli uzatmani amalga oshirdi.

Fas 2022 yildan beri Belgiya terma jamoasida o'ynamoqda. Uning hisobida xalqaro miqyosdagi 28 ta o'yin bor.