«Bavariya» Bundesligada chempionlikni allaqachon naqd qilib qo'ygan, biroq yana bir noyob yutuqni qayd etishi mumkin.

Hozirda Vensan Kompani jamoasi hisobida 79 ochko bor va oldinda yana to'rtta tur kutmoqda. Bayern & Germany nashrining qayd etishicha, agar myunxenliklar qolgan barcha o'yinlarda g'alaba qozonsa, ochko jamg'arish bo'yicha Bundesliga rekordini (91 ochko) takrorlaydilar. Amaldagi rekord ham aynan «Bavariya»ga tegishli bo'lib, u 2012/13 yilgi mavsumda Yupp Xaynkes boshchiligida o'rnatilgan edi. Eslatib o'tamiz, o'shanda jamoa barcha sovrinlarni, jumladan, Chempionlar ligasini ham qo'lga kiritgan edi — joriy mavsumda ham bunday natijani takrorlash imkoniyati mavjud.

Bugun Myunxen grandi safarda «Maynts» bilan kuch sinashadi. O'yin Toshkent vaqti bilan soat 18:30 da boshlanadi.