"Bavariya" Lennart Karl bilan yangi shartnoma imzolashni rejalashtirmoqda.

Sky Sport xabariga ko'ra, yarim himoyachining Myunxen klubi bilan amaldagi shartnomasi 2029 yilgacha avtomatik ravishda uzaytirilgan - u 2026 yilning fevralida, futbolchi 18 yoshga to'lganida kuchga kiradi. Uning maoshi bir mavsum uchun 2 million evrogacha oshadi.

Biroq, "Bavariya" futbolchi bilan uzoqroq muddatga shartnoma imzolamoqchi va uning maoshini yiliga 5-8 mln evrogacha oshirmoqchi. Karlning o'zi yangi shartnomani imzolashga tayyor, ammo tomonlar o'rtasida hali muzokaralar yo'q.

Lennart joriy mavsum Bundesligada 13 ta o'yinda maydonga tushdi va o'z hisobiga 3 ta gol hamda 2 ta golli uzatma yozdirib qo'ydi.