«Bavariya» Vensan Kompani boshqaruvida rekordlarni yangilashda davom etmoqda. Bundesliganing «Sankt-Pauli»ga qarshi kechgan so'nggi uchrashuvida (5:0) myunxenliklar safida 18 yoshli Bara Ndiaye debyut qildi. Kicker nashrining qayd etishicha, u joriy chempionatda jamoa safida maydonga tushgan 31-futbolchi bo'ldi va bu klubning yangi rekordi hisoblanadi.

Bundan tashqari, «Bavariya» bir mavsum davomida tarkibga jalb etilgan 19 yosh va undan kichik bo'lgan futbolchilar soni bo'yicha ham Bundesliga rekordini o'rnatdi — bunday yosh o'yinchilar soni 8 nafarga etdi.

Eslatib o'tamiz, aynan shu bahsda Kompani jamoasi Bundesliganing bir mavsumidagi umumiy gollar soni bo'yicha ham rekordni yangiladi (105 ta gol). Vaholanki, chempionat yakunigacha hali yana beshta tur mavjud.