«Barselona» klubi yarim himoyachisi Mark Bernal jamoaning joriy mavsumda qayd etgan natijalari haqida o'z fikrlari bilan o'rtoqlashdi.

«Biz «Barsa»ning mavsumdagi ishtirokidan mamnunmiz. Madridning «Atletiko» klubiga qarshi kechgan juda qiyin qarama-qarshilikda Chempionlar ligasi mayda detallar (arzimas xatolar) tufayli qo'limizdan chiqib ketdi, ammo keyingi yilda biz bundan ham kattaroq maqsadlarni ko'zlaymiz», — deya Bernalning so'zlarini keltiradi «Barça Universal» nashri.

Eslatib o'tamiz, «Barselona» 2025/2026 yilgi mavsumda Ispaniya chempioniga aylandi. Shuningdek, Xans-Diter Flik shogirdlari mamlakat Superkubogida ham zafar quchishdi.

23 may kuni «Barselona» mavsumdagi so'nggi uchrashuvini «Valensiya»ga qarshi o'tkazadi. Ispaniya La Ligasining 38-turidan joy olgan ushbu bahs Toshkent vaqti bilan soat 00:00 da start oladi.