"Barselona"ning sobiq futbolchisi Samuel Yumtiti Lionel Messining mentaliteti haqida o'z fikrlarini bildirib o'tdi.

"Messi o'yin taqdirini hal qila oladi va bunday iqtidor egalari juda kam. Agar biz 4:0 hisobida g'alaba qozonayotgan bo'lsak-u, u gol urmagan bo'lsa, undan norozi bo'lardi. Uning fikri-xayolida doim gol urish kerak degan tushuncha bor edi. Bu buyuklik belgisidir. U darvoza oldida haqiqiy "qotil". U o'yinni qachon tezlashtirish va qachon sekinlashtirish kerakligini aniq biladi. U doimo atrofga qarab, futbolchilarning joylashuvini baholab yuradi. Leoga qarshi himoyalanishning tayyor retsepti yo'q, u — oldindan aytib bo'lmas futbolchi", — dedi Yumtiti "The Elevate House" nashriga.

Lionel Messi hozirda "Inter Mayami" safida to'p surmoqda. Argentinalik yulduz faoliyati davomida sakkiz marta "Oltin to'p"ni qo'lga kiritgan.