«Barselona» yangi hujumchi izlashni boshladi, chunki Robert Levandovski joriy mavsum yakunlanganidan keyin kataloniyaliklar klubini rasman tark etadi. Bu haqda El Nacional nashri xabar bermoqda.

Manbaning bergan ma'lumotiga ko'ra, «ko'k-anorranglilar» polshalik to'purarning o'rinbosari sifatida «Arsenal» hujumchisi Gabriel Jezusni ko'rishmoqda. Londonliklar braziliyalik futbolchini 45 million evro evaziga qo'yib yuborishga tayyor.

Joriy mavsumda Gabriel Jezus «Arsenal» safida 26 ta uchrashuvda maydonga tushib, 5 ta gol urdi va 2 ta golli uzatmani amalga oshirdi. Uning londonliklar bilan amaldagi shartnomasi 2027 yilning yozigacha mo'ljallangan.