«Barselona» ketma-ket uchinchi yil Chempionlar ligasining eng kuchli sakkiz jamoasi qatoridan joy oldi.

Bugun «blaugrana» 1/8 final doirasida «Nyukasl»ni 7:2 hisobida tor-mor etdi. Shu tariqa, kataloniyaliklar so'nggi uch mavsumning har birida turnirning chorak finaliga qadar etib kelishdi. Taqqoslash uchun, bundan oldingi uch yillikda «Barselona» ikki bor guruh bosqichida, bir marta esa 1/8 finalda musobaqani tark etgan edi.

Joriy mavsumning chorak finalida jamoa «Atletiko» yoki «Tottenxem» juftligi g'olibi bilan to'qnash keladi.