"Barselona" sport direktori Deku bir necha kun avval "Inter" markaziy hujumchisi Lautaro Martinesning agenti bilan uchrashuv o'tkazdi, deya xabar berdi MD.

Bu uchrashuvda nima muhokama qilingani haqida ma'lumot berilmagan.

Avvalroq, "ko'k-anorranglilar" kelasi yozda Robert Levandovski o'rniga kuchli hujumchi olib kelmoqchi ekanligi aytilgandi.

28 yoshli argentinalik futbolchining "neradzurrilar" bilan 2029 yil yozigacha mo'ljallangan shartnomasi bor. U hozirda Transfermarkt portalida 95 million evroga baholanmoqda.