«Barselona» Italiyaning «Kalyari» klubida to'p surayotgan qanot himoyachisi Marko Palestraga qiziqish bildirmoqda. Bu haqda mashhur jurnalist Nikolo Skira xabar berdi.

Manbaning ma'lumotlariga ko'ra, bir necha kun avval «ko'k-anorranglilar» skautlik bo'limi vakillari 21 yoshli futbolchining o'yinini kuzatish uchun Italiyaga tashrif buyurishgan.

Palestra «Kalyari» safida ijara asosida harakat qilmoqda. Mavsum yakunida u «Atalanta» ixtiyoriga qaytadi. Joriy mavsumda Palestra barcha turnirlarda 29 ta uchrashuvda maydonga tushib, bitta gol va to'rtta golli uzatmani amalga oshirdi.

Yaqinda himoyachi Italiya milliy terma jamoasida ham debyut qilgan edi.