Ispaniya terma jamoasi bosh murabbiyi Luis de la Fuente mashg'ulotlar vaqtida jarohat olgan Dani Olmo haqida o'z fikrlarini bildirdi.

"Dani butun hafta davomida mashg'ulotlarda ishtirok etdi, lekin u biroz charchoq va noqulaylikni sezayotganini aytdi. Bugun mashg'ulotda 15 daqiqa harakat qildi xolos, keyin o'zini noqulay sezgani uchun to'xtadi.

U tibbiy tekshiruvlarga yo'naltirildi, qolgan ma'lumotlarni tibbiy shtab taqdim etadi. Boshqa futbolchilar esa a'lo holatda", - dedi mutaxassis.

Eslatib o'tamiz, "qizil furiya"ning avvalgi yig'inida Lamin Yamal belidan jarohat olgan edi. 2024 yilda Gavi ham aynan terma jamoada xochsimon bog'lamini yirtib olgandi.