«Atletiko» 2006 yildan beri ilk bor «Kamp Nou»da «Barselona»ni mag'lub etdi. Diego Simeone shogirdlari Chempionlar ligasi chorak finalining dastlabki uchrashuvida mehmonda «blaugrana» ustidan g'alaba qozonishdi (2:0).

Bu madridliklarning kataloniyaliklar uy stadionidagi so'nggi 26 ta o'yinda qo'lga kiritgan ilk g'alabasidir. Ta'kidlash joizki, 2024 yilda «Atletiko» La Liga doirasida safarda «Barsa»ni mag'lub etgan (2:1), biroq o'sha o'yin «Monjuik» stadionida bo'lib o'tgan edi.

Oxirgi marta madridliklar 2006 yilning 5 fevralida Ispaniya chempionati doirasida mehmonda 3:1 hisobida zafar quchishgan, o'shanda Fernando Torres dubl qayd etgan edi.