Londonning «Arsenal» klubi bosh murabbiyi Mikel Arteta Chempionlar ligasi chorak finali doirasidagi «Sporting»ga qarshi javob uchrashuvida o'z futbolchilarida qaysi xislatni ko'rishni istayotganini aytdi.

Ispaniyalik mutaxassisning fikricha, eng asosiysi — raqibdan qo'rqmasdan, maydonga ko'zlarida yonib turgan ishtiyoq bilan tushishdir.

«O'yinchilarimda nimani ko'rishni istayman? Hech qanday qo'rquv emas, faqat olov! Tamom. Men futbolchilarda ham, atrofimizdagi odamlarda ham aynan shuni ko'rishni xohlayman», — deya Artetaning so'zlaridan iqtibos keltiradi UEFA matbuot xizmati.

Uning qo'shimcha qilishicha, lissabonliklar o'z maydonidagi 0:1 hisobidagi mag'lubiyatdan so'ng vaziyatni o'nglash uchun maydonda dominantlik qilishga intilishadi. «Arsenal»ning vazifasi esa bunga yo'l qo'ymaslikdir, deya xulosa qildi Arteta.