Londonning «Arsenal» klubi bosh murabbiyi Mikel Arteta vinger Bukayo Sakaning jarohatdan so'ng safga qaytgani haqidagi savolga javob berdi. 24 yoshli ingliz futbolchisi 22 martdan beri ilk bor maydonga tushdi — u Premer-liganing shanba kungi «Nyukasl»ga qarshi bahsi yakunida zaxiradan o'yinga qo'shildi.

«Ajoyib. U maydonda o'tkazgan daqiqalari ichida o'yinga o'z ta'sirini o'tkazishga ulgurdi. Bukayo yaxshi va tetik ko'rinmoqda. Uning maydonda paydo bo'lishi jamoaga alohida ta'sir qilishini albatta sezasiz. Hozir bizga bu juda zarur. U yuklamalarni qanday qabul qilishini kuzatamiz. Mavsumning eng muhim pallasi keldi va u jangga kirishishga intilmoqda», — dedi Arteta matbuot anjumanida.

«Kanonirlar» 9-daqiqada Eberechi Eze tomonidan kiritilgan gol evaziga «qarg'alar» ustidan minimal hisobda g'alaba qozonishdi.