Londonning "Arsenal" klubi bosh murabbiyi Mikel Arteta yarim himoyachi Deklan Rays darajasi haqida gapirdi.

26 yoshli futbolchi "Bornmut"ga qarshi kechgan so'nggi o'yinda dubl qayd etib, qahramonga aylandi. Uchrashuv 3:2 hisobida "kanonirlar"ning g'alabasi bilan yakunlandi.

"Rays dunyodagi eng yaxshi yarim himoyachilar qatoridami? Men uchun - ha. O'yinchilarimizni eng yaxshi deb bilaman. Deklan ba'zi jihatlarda o'sishga qodir, ammo men uning chegarasini ko'rmayapman, chunki u doimiy ravishda takomillashib bormoqda," - dedi Arteta matbuot anjumanida.