Londonning "Arsenal" klubi bosh murabbiyi Mikel Arteta shanba kuni bo'lib o'tgan Premer-liga doirasidagi "Nottingem Forest"ga (0:0) qarshi o'yinda Bukayo Sakaning nima uchun asosiy tarkibga kiritilmagani haqida gapirdi.

Yulduz vinger 57-daqiqada zaxiradan maydonga tushib, Noni Madueke o'rnini egalladi.

"Saka ko'p o'ynaydi va o'yin oldidan u kichik jarohat oldi. Futbolchilarning holatini nazorat qilishimiz, ularning maydondagi vaqtini to'g'ri taqsimlashimiz kerak," - dedi Arteta o'yindan keyingi intervyusida.

Seshanba kuni "Arsenal" Chempionlar ligasi safar o'yinini Milanning "Inter" klubiga qarshi o'tkazadi.