Londonning "Arsenal" klubi bosh murabbiyi Mikel Arteta jamoasi vingeri Noni Madueke haqida fikr bildirdi.

"Umid qilamanki, Bukayo Saka va Noni eng yaxshi formada bo'ladigan kun keladi. Biz buni xohlaymiz va u bizda borligidan juda xursandman. Uning terma jamoadagi yutuqlariga nazar tashlab, juda mamnun bo'ldim. Demak, u haqiqatan ham yaxshi. U hozir juda, juda yaxshi holatda," - deya Artetaning so'zlarini keltiradi "Arsenal" matbuot xizmati.

Eslatib o'tamiz, Madueke xalqaro tanaffusda Angliya terma jamoasi safida Serbiya darvozasiga gol urishga muvaffaq bo'ldi. Belgraddagi o'sha o'yin 5:0 hisobida inglizlar foydasiga hal bo'ldi.