Londonning "Arsenal" klubi bosh murabbiyi Mikel Arteta "Bavariya" yarim himoyachisi Yozua Kimmixning yaqinda bildirgan fikrlariga munosabat bildirdi.

Chorshanba kuni "kanonirlar" myunxenliklarga mavsumdagi ilk mag'lubiyatni taqdim etishdi - 3:1. Uchrashuv yakunlangach, Kimmix "Arsenal" "Bavariya"ning joriy mavsumdagi eng qiyin raqibi emasligini aytdi. Germaniyalik futbolchi "PSJ"ni London grandidan yuqori baholadi.

"O'ylashimcha, ularning "PSJ"ga qarshi o'yinida juda o'xshash manzara kuzatildi - barchasi shaxsiy qarama-qarshiliklardan iborat bo'ldi. Kimmix nimani nazarda tutganini tushunaman. Hammasi joyida. Bu o'yinning bir qismi. Masala faqat uslubda," - dedi Arteta matbuot anjumanida.

Yakshanba kuni "Arsenal" Premer-liga doirasida "Chelsi"ga qarshi bahs olib boradi.