Mikel Arteta bir necha yildan so'ng "Arsenal" bosh murabbiyligidan ketishi mumkin. Bu haqda The Athletic jurnalisti Jeyms MakNikolas xabar bermoqda.

Ispaniyalik mutaxassisga yaqin manbalarning aytishicha, u hech qachon murabbiylik ko'prikchasida uzoq vaqt qolishga intilmagan. Ba'zilarning fikricha, u o'n yil davomida "Arsenal"ni boshqarmaydi. Hozir Arteta o'z ishiga butunlay berilib ketgan, biroq ertami-kechmi unga tanaffus kerak bo'lishini tushunib turibdi, shuning uchun u "kanonirlar"ni tark etadi.

Mikel Arteta "Arsenal"ni 2019 yilda qabul qilib olgan. Uning qo'l ostida "kanonirlar" ikki marta Angliya Superkubogi va bir marta Angliya kubogini qo'lga kiritgan.