Hujumchi Gabriel Jezus klubning kelajagi borasidagi pozitsiyasini bilib oldi. Transfer News Live nashrining ESPN’ning Braziliyadagi filialiga tayanib xabar berishicha, "Arsenal" Jezusga qishki transferlar davridayoq klubni tark etishi mumkinligini ma'lum qilgan.

2025/2026 yilgi mavsumda Jezus tizzasidan olgan jarohati tufayli hali o'ynamadi. Yanvar oyida Jezus safga qaytishi kerak.

Avvalroq, Gabriel Jezus qishda muntazam ravishda o'yin amaliyotiga ega bo'ladigan jamoaga o'tishi kutilayotgani haqida xabarlar tarqalgan edi.

Nufuzli Transfermarkt portali Jezusni 32 million evroga baholamoqda.