Futbol bo'yicha Argentina terma jamoasi 14 noyabr, juma kuni Angola terma jamoasiga qarshi safarda o'rtoqlik uchrashuvi o'tkazdi. Uchrashuvda Lautaro Martines va Lionel Messining gollari evaziga Lionel Skaloni shogirdlari 2:0 hisobida g'alaba qozondi.

Uchrashuv Luanda shahrida bo'lib o'tdi va Angola mustaqilligining 50 yilligiga bag'ishlandi. Mundo Deportivo jurnalistlarining xabar berishicha, "albiseleste"ning o'yindagi ishtiroki uchun Argentina futbol assotsiatsiyasi 12 million dollar olgan.

Eslatib o'tamiz, Argentina terma jamoasi amaldagi jahon chempioni hisoblanadi. 2022 yilgi mundial finalida Messi va uningi jamoasi penaltilar seriyasida Frantsiyani mag'lub etgandi.