Argentina terma jamoasi Finalissima bahsini Madridda o'tkazishdan bosh tortdi.

Avvalroq Argentina va Ispaniya o'rtasidagi uchrashuv "Santyago Bernabeu" stadionida bo'lib o'tishi mumkinligi haqida ma'lumotlar paydo bo'lgan edi. O'yin 27 mart kuni Dohada o'tkazilishi kerak edi, biroq Yaqin Sharqdagi vaziyat tufayli uni boshqa joyga ko'chirishga qaror qilindi.

Jurnalist Gaston Edulning xabar berishicha, uchrashuvni "Bernabeu"da o'tkazish g'oyasini UEFA taklif qilgan. Biroq Argentina futbol assotsiatsiyasi (AFA) bu variantni rad etdi va yaqin orada KONMEBOL bu haqda Evropa futboli rahbariyatiga rasman xabar beradi.