Madridning «Real» klubi bosh murabbiyi Alvaro Arbeloa jarohat olgan futbolchilarning holati haqidagi savolga javob berdi.

Yakshanba kuni «qaymoqranglilar» La Liganing 37-turi doirasida Vinisius Juniorning goli evaziga «Sevilya»ni mag'lub etishdi (1:0).

Uchrashuvning 77-daqiqasida braziliyalik futbolchi jarohat sababli maydonni tark etdi, bir oz oldinroq Orelen Tchuameni bilan ham xuddi shunday holat yuz bergandi. Din Xyoysen o'yinni oxirigacha etkazdi, biroq unda ham sog'liq bilan bog'liq muammolar kuzatildi.

«Vinisius engil noqulaylik sezgani uchun zaxiraga olindi, Tchuamenida ham xuddi shunday vaziyat. Xyoysen esa og'riqli zarba qabul qilib oldi. Keyingi haftada kim maydonga tushishga tayyor bo'lishini ko'ramiz. Faqat shuni ayta olamanki, hech qanday jiddiy narsa sodir bo'lmadi», — dedi Arbeloa matbuot anjumanida.

23 may kuni «Real» chempionatning so'nggi turi doirasida safarda Bilbaoning «Atletik» klubiga qarshi maydonga tushadi.