Alvaro Arbeloa deyarli bir oy oldin "Real"ni qabul qilib olgandi. Jurnalistlar bu davrda mutaxassis sezilarli darajada ozganini payqashdi. Ijtimoiy tarmoqlarda Arbeloa 13 yanvar va 8 fevral kunlari bergan matbuot anjumanlaridan olingan suratlar tarqalmoqda. Hatto oddiy ko'z bilan ham Alvaroning vazni necha kilogrammga kamayganini ko'rish mumkin.

Arbeloaning ozishi stress bilan bog'liq bo'lishi ehtimoldan xoli emas - baribir "Real"da ishlash psixologik jihatdan og'ir. Ammo murabbiy ongli ravishda bir necha kilogramm vazn tashlashga qaror qilganini istisno qilmaslik kerak.

"Real" yakshanba kuni safarda "Valensiya"ni 2:0 hisobida mag'lub etdi. Madridliklar La Liga turnir jadvalida "Barselona"dan 1 ochko ortda qolmoqda.