Hujumchi Kilian Mbappe "Real"ning so'nggi ikki o'yinida gol ura olmayapti. Biroq, madridliklar bosh murabbiyi Alvaro Arbeloa bunda muammo ko'rmayapti.

"Mbappeda gollar borasida muammo bor deb o'ylamayman. U maydonda qaror qabul qiladi va juda aqlli. U qaerga borish kerakligini aniq biladi. U jarima maydoni ichida ham, uning tashqarisida ham muvaffaqiyatli harakat qila oladi. Kilian maydonda nima qilish kerakligini juda yaxshi biladi va uning statistikasi buni tasdiqlaydi", - dedi Arbeloa matbuot anjumanida.

"Real" navbatdagi o'yinni 25 fevral kuni o'z maydonida "Benfika"ga qarshi o'tkazadi. Birinchi o'yinda "qaymoqranglilar" 1:0 hisobida g'alaba qozonishdi.