Madridning "Real" klubi bosh murabbiyi Alvaro Arbeloa hujumchi Vinisius Juniorning diskvalifikatsiyasi haqidagi savolga javob qaytardi.

Braziliyalik futbolchi yakshanba kuni La Liga doirasida "Rayo Valekano"ga qarshi kechgan bahs (2:1) yakunida sariq kartochka oldi. Hujumchi ogohlantirishlari ko'payib ketgani tufayli bir o'yinga diskvalifikatsiya qilindi.

"Vinisius biz uchun juda muhim, u fantastik gol urdi. Biz uchun u alohida xavf tug'diradigan va har doim raqibni yakkama-yakka vaziyatda aldab o'tishi mumkin bo'lgan futbolchi. Bunday futbolchining borligi raqiblarga bosimni oshirmay qolmaydi," - deya yulduz futbolchining diskvalifikatsiyasiga izoh berdi Arbeloa.

"Real"ning "Valensiya" bilan uchrashuvi 8 fevral kuni bo'lib o'tadi.