"Liverpul" himoyachisi va etakchisi Virgil van Deyk APLning joriy mavsumida eng ko'p uzatma bergan futbolchiga aylandi. Talksport taqdim etgan statistikaga ko'ra, uning hisobida hozircha yakunlanmagan mavsum davomida 2 144 ta uzatma mavjud.

Reytingning ikkinchi va uchinchi pog'onalarini ham markaziy himoyachilar egallab turibdi. Bular Lyuis Dank ("Brayton", 2 109 ta uzatma) va Trevo Chaloba ("Chelsi", 1 943 ta uzatma).

To'rtinchi o'rin ham yana bir himoyachi — "Fulxem" a'zosi Yoakim Andersenga (1 869 ta uzatma) nasib etdi. Reytingga yakun yasovchi beshinchi o'rindan nihoyat yarim himoyachi joy oldi — Elliot Andersen. "Nottingem Forest" futbolchisi mavsumning o'tgan davri mobaynida 1 855 ta uzatmani amalga oshirgan.