Norvegiyalik futbolchi Erling Xoland joriy asrda Angliya chempionati o'yinlaridagi o'rtacha sermahsullik bo'yicha birinchi o'rinni egalladi. Bu haqda PopFoot nashri xabar bermoqda.

O'tkazilgan hisob-kitoblarga ko'ra, Xolandning ko'rsatkichi 0,85 ni tashkil etmoqda (126 o'yinda 107 ta gol). Ikkinchi o'rin Londonning «Arsenal» klubi afsonasi Terri Anriga nasib etdi — 0,68 (259 o'yinda 175 ta gol). Kuchli uchlikni esa «Manchester Siti»da porlagan Serxio Aguero yakunlab berdi, uning ko'rsatkichi 0,67 (275 o'yinda 184 ta gol).

Shuningdek, kuchli o'ntalikdan quyidagi futbolchilar joy oldi:

  • Xarri Keyn (0,67; 320 o'yinda 213 ta gol);

  • Rud van Nistelroy (0,63; 150 o'yinda 95 ta gol);

  • Luis Suares (0,63; 110 o'yinda 69 ta gol);

  • Muhammad Saloh (0,59; 323 o'yinda 191 ta gol);

  • Aleksandr Isak (0,58; 96 o'yinda 56 ta gol);

  • Zlatan Ibrahimovich (0,52; 33 o'yinda 17 ta gol);

  • Robin van Persi (0,51; 280 o'yinda 144 ta gol).