«Yuventus» klubi kanadalik hujumchi Jonatan Devidni yozgi transfer oynasida sotishga tayyor. Bu haqda jurnalist Ekrem Konur xabar bermoqda.

Manbaning ma'lumotlariga ko'ra, agar turinliklar yangi top-hujumchi bilan shartnoma imzolashsa va Dushan Vlaxovich bilan kelishuvni uzaytirishsa, 26 yoshli futbolchini qo'yib yuborishadi. Bu haqda Angliya Premer-ligasining quyidagi klublari allaqachon xabardor qilingan: «Manchester Yunayted», «Aston Villa», «Nyukasl», «Tottenxem», «Brayton», «Everton», «Sanderlend», «Nottingem Forest» va «Lids».

Joriy mavsumda Devid barcha turnirlarni hisobga olgan holda 37 ta o'yinda ishtirok etdi, 7 ta gol urdi va 5 ta golli uzatmani o'z hisobiga yozib qo'ydi.