«Nyukasl», «Arsenal» va «Manchester Siti» klublari «Portu»ning 18 yoshli portugaliyalik yarim himoyachisi Rodrigu Morani diqqat bilan kuzatib borishmoqda. Bu haqda Sports Boom nashri xabar bermoqda.

Insayderlarning ta'kidlashicha, Mora — so'nggi vaqtlardagi eng iqtidorli portugaliyalik yosh futbolchilardan biri hisoblanadi. «Portu» bilan rasmiy muzokaralar yaqin vaqt ichida boshlanishi mumkin.

Mora — «Portu» klubi tarbiyalanuvchisidir. Joriy mavsumda yarim himoyachi klub safida 35 ta o'yinda ishtirok etib, 5 ta gol urdi va 2 ta golli uzatmani amalga oshirdi.