"Arsenal" va "Barselona" klublarining frantsiyalik sobiq hujumchisi Terri Anri "Real" vingeri Vinisius Juniorni Evropa Chempionlar ligasi doirasida "Liverpul"ga qarshi o'yindagi harakatlari uchun tanqid qildi. Kecha bo'lib o'tgan uchrashuvda inglizlar 1:0 hisobida zafar quchdi.

"U nima uchun "Liverpul" qanot himoyachisiga bosim o'tkazmaganini tushunmayapman. Bor narsa bilan o'ynash kerak, vaziyatga qarab o'ynash kerak. Vinisius esa Konor Bredlini dastlabki besh-etti daqiqa bosim ostida ushlab turdi, keyin esa raqibni qo'yib yubordi. Nima uchun? Nega unga bo'sh joy beryapsan? U sariq kartochka olgunicha bosim qilish kerak, shunda uning himoya samaradorligi pasayadi. Ammo Vini bunday qilmadi," - deya Anrining so'zlarini keltiradi Liverpool.com internet-portali.