Mashhur sobiq futbolchi Teri Anri Madridning «Real» klubi yarim himoyachisi Arda Gyulerning o'yinidan hayratda ekanligini bildirdi.

21 yoshli turkiyalik futbolchi Myunxenda «Bavariya» darvozasiga dubl qayd etdi: u avvaliga Manuel Noyerning qo'pol xatosidan unumli foydalandi, so'ngra jarima zarbasidan yo'llagan bevosita zarbasi bilan gol urdi.

«Gyuler shunchaki futbol o'ynamaydi — u mas'uliyatni o'z zimmasiga oladi. So'zsiz jahon darajasi. Myunxenda «Bavariya»ga qarshi o'yinda bosim ostida o'zini ko'rsata olish juda muhim. U hech qachon yashirinmaydi, doimo to'pni so'raydi. Men uchun u endi shunchaki istiqbolli o'yinchi emas — u allaqachon jahon futbolida o'z ahamiyatini isbotlab bo'ldi», — deya Anrining so'zlarini keltirmoqda MatchDay Central.