Braziliya terma jamoasi bosh murabbiyi bo'lib ishlayotgan italiyalik mutaxassis Karlo Anchelotti jarohat olgan yarim himoyachi Rafinyaning ayni damdagi holati haqida gapirib berdi.

«Uning tiklanishida yaxshi o'sish kuzatilmoqda, biroq u hali o'zining eng yaxshi (optimal) sport formasiga kirib ulgurgani yo'q. Rafinya o'yin qaydnomasiga kiritilishi va ehtimol, maydonda bir necha daqiqa harakat qilishi mumkin. Bu futbolchi jamoamiz uchun juda muhim hisoblanadi», — deya bosh murabbiyning so'zlarini Globo nashri keltirmoqda.

Eslatib o'tamiz, Jahon chempionati — 2026 musobaqasining 1/8 finali doirasida Braziliya terma jamoasi Norvegiya terma jamoasiga qarshi maydonga tushadi.

Manba: Stadion.uz